№4 Қалалық перзентханада Ұлыстың ұлы күні – Наурыз мерекесіне арналған шаралар жалғасуда. Мерекелік Наурызнама аясында “Шаңырақ” күні ерекше атап өтілді.
Бұл күні перзентхана ұжымы жас аналарды құттықтап, оларға ұлттық дәстүрлерімізді насихаттады. Жаңа туған сәбилерге ақ жол тілеп, арнайы сыйлықтар табысталды. Сондай-ақ, көпшілікке ұлттық құндылықтарды дәріптеу мақсатында қазақтың салт-дәстүрлеріне арналған танымдық шаралар ұйымдастырылды.
№4 Қалалық перзентхана ұжымы барлық отбасыларға шаттық пен береке, сәбилерге денсаулық пен ұзақ ғұмыр тілейді! Ұлттық құндылықтарымыз ұрпақтан-ұрпаққа жалғаса берсін!
